GPS nyukung Muhyiddin, tang enda nyemilik PN

Gabungan Parti Sarawak logo
IBRACO WEBSITEI

English version here: https://dayakdaily.com/gps-supports-muhyiddin-but-not-part-of-pn-coalition/

KUCHING, Mei 18: Gabungan Parti Sarawak (GPS) sebengkah entiti politik ngatika diri ti ngadu kaul rat enggau Perikatan Nasional (PN).

Sekretariat GPS kemari mansutkan penerang ti madah nyukung Menteri Besai Tan Sri Muhyiddin Yassin.

“Sekretariat Gabungan Parti Sarawak enggau nyemetak netapka GPS sebengkah entiti ngatika diri, semina ngadu kaul rat enggau Perintah Besai PN ungkup pemaik Malaysia enggau Sarawak.

“GPS mengkang siti gempung ti diarikan empat parti asal Sarawak iya nya Parti Pesaka Bumiputera Bersatu (PBB), Parti Rakyat Sarawak (PRS), Parti Se’Ati Rakyat Sarawak (SUPP) enggau Parti Progresif Demokratik(PDP).

“GPS meri sukung ngagai Yang Amat Berhormat Tan Sri Muhyiddin Yassin nyadi Menteri Besai enggau ketuai Perintah Besai PN,” ku Sekretariat GPS.

Sekretariat mega netapka GPS ke nyadi gempung merintah Sarawak pechaya Muhyiddin ketuai ke pemadu manah ungkup Sarawak naka ke diatu.

“GPS enda nyemilik Perikatan Nasional tang ngadu kerejasama ungkup pemaik rayat kelebih agi rayat Sarawak.

“Sigi nyadi objektif GPS dekaka Perintah Besai ti tegap, ketegal semina perintah ti tegap aja ulih mai sereta nempa pemansang ba sosio ekonomi ungkup menua nyengkaum Sarawak,” ku Sekretariat. — DayakDaily