Gaji minimum ditetap nitihka negeri, faktor sosioekonomi

File photo for illustration purposes

KUALA LUMPUR, Nov 7: Penyampau gaji minimum diatu ditetap nitihka nengeri ti beratika faktor sosioekonomi ke bebida entara Semenanjung Malaysia, Sabah, Sarawak enggau Wilayah Persekutuan Labuan.

Sapit Menteri Pengatur Pengereja Pengawa Datuk Seri Ismail Abd Muttalib madahka nya bepelasarka Seksyen 22 (1) Akta Majlis Perundingan Gaji Negara ti netapka penyampau gaji minimum ke ditetap nitihka sektor, bansa kereja enggau negeri aja.

“Nyema penyampau gaji minimum ditetapka bebida nitihka kandang pasar enggau msnua pesisir, nya dikeirauka pedis diterit ti tau ngujungka bala pekereja pindah gawa ari menua pesisir ke pasar ketegal gaji minimum ke besai agi ba kandang pasar,” ku iya ba sesi tanya saut di Dewan Rayat empai lama udah.

Iya munyi nya nyaut tanya Datuk Hasbullah Osman (BN-Gerik) ti deka nemu sekalika opis menteri nya bisi ngaga pansik penyemaka entara skim gaji rayat Malaysia ungkup sektor peribit enggau industri berindik ari peniki ungkus pengidup kelebih agi peranak ti diau ba kandang pasar.

Ku Ismail, dikena ngangkatka penatai pemisi rayat setipak enggau juluk perintah nyadi menua bepenatai pemisi tinggi nyerumba 2020, perintah deka beratka baru Pekara Gaji Minimum ambis nadai sekali dalam timpuh dua tahun setipak enggau ungkup undang-undang nya. — DayakDaily