SRI AMAN, April 17: Enam iku peranak Indonesia dijil empat bulan sereta diukum RM3 ribu sesiku pengudah ngaku salah tama nadai pemendar Sanktuari Jelu Siga Lanjak Entimau.
Sida ngaku salah ba mua Kort Seksyen ditu pengudah tuduh nya dibacha ba mua Akim Jason Juga.
Nyema enda tebayarka ukum nya, ukun jil semua ke dituduh deka dilanjar nggaai pengelama enam bulan.
Nitihka tuduh, semua ke dituduh ditemu tama ngagai Sanktuari Jelu Siga Lanjak Entimau nya nadai pemendar ari warden.
Ulah nya nyadi siti penyalah ari baruh seksyen 24(1), Ordinan Nyaga Jelu Siga 1998.
Sebedau tu, semua ke dituduh udah diukum jil ketegal penyalah nadai dokumen pejalai ke sah ari baruh Seksyen 6(3), Akta Imigresen 1959/63. — DayakDaily
