Dua rumah panjai di Sibu deka diberi pengerengka pengerara api Hyprex

Firefighters. — DayakDaily.com file pic. // Photo: Pixabay

SIBU, Jan 19: Projek keterubah perengka pengerara api ulih dipindah kin kitu Hyprex di dua buah rumah panjai ditu deka dilanchar pengudah pengerami Taun Baru China tu ila.

Chairman Komiti Servis Komuniti UPP Sibu Datuk Andrew Wong madah, perengka pengerara api Hyprex nya nguna teknologi Switzerland ti ngembuan pengetan ke lama nyentuk ke lima taun sereta mudah amat dikena.

Ku iya, pengudah tiga taun perengka pemadam nya meseti diperesa dikena nentuka sekalika agi ulih dikena tauka enda.

“Kami deka ngajar chara madamka api ngena perengka pengerara api Hyprex ti amat mudah dikena nya.” ku iya.

Bisi dua buah rumah panjai iya nya Rumah Lidwina Mathew di Nanga Tutus enggau sebuah agi rumah panjai di Dudong deka diberi perengka pemadam api nya dikena nguji dulu.

Tambah Wong, perengka pemadam api nya bela dibekal di tetiap rumah panjai ke udah dikelala ke bisi paip enggau ke nadai paip bomba.

Ku Wong ungkup belanja sepenyampau RM1 juta ti diungkup ari baruh Rancangan Sibu 1 (RS1) nya dikena nyendia sereta mekal perengka pemadam api, kelebih agi di menua pesisir. — DayakDaily