Dua iku diatu benung betapat ngelakuka diri nyadi chalun nyilih Entulu di Selangau

Sign outside polling station. — DayakDaily.com file pic. // Photo: Pixabay

SIBU, Dis 8: Berindik ari berita selebubu ti madahka penyandang Datuk Joseph Entulu enda dichalunka Parti Rakyat Sarawak (PRS) agi ba sitak Parlimen Selangau maya Pengawa Bepilih Besai Ke-14 (PRU 14), diberitaka dua iku orang diatu benung betapat ngelakuka diri nyadi chalun ba sitak nya.

Nitihka pemadah ari renggat ke baruh, dua nama ke udah dibantaika iya nya Rita Sarimah Patrick Insol enggau Edwin Banta.

Rita, 56, siku orang dagang sereta peranak asal menua nya, ngembuan pengelandik ba pekara undang-undang ari Universiti Malaya sereta mega bisi degree ba pekara ngatur dagang ari Heriot-Watt University, United Kingdom.

Edwin, 52, peranak asal menua nya ke mega Kaban Kaunsil Besai PRS.

Sebedau tu bisi empat nama ke disebut-sebut nganti Entulu nyengkaum siku D.O enggau siku lecturer ari universiti menua tu. — DayakDaily