Dr Chin: Peranak rumah panjai ke batuk sereta renga dipinta ke klinik beperesa Covid-19

Dr Chin Zin Hing

Oleh Chris Bishop

KUCHING, 26 Jan: Direktor Opis Pengerai Sarawak Dr Chin Zin Hing ngelalau peranak rumah panjai ti ngasaika diri bisi batuk, renga
sereta pedis rekung nganjung diri beperesa Covid-19 ba klinik besemak.

Ku iya, tanda-tanda nya nyengkaum enda ngasaika utai di empa enggau bau sereta pedis isi.

“Jaku lalau dituju ngagai semua peranak rumah panjai ketegal diatu mayuh kes positif Covid-19 udah ngelekai di rumah panjai,” ku Dr Chin nengah surat penerang seharitu.

Kelimpah ari nya, iya mega minta barang sapa ke kala mindah ngagai Sri Aman, Betong, Sibu, Kanowit, Dalat, Miri, Beluru enggau Sebauh dalam kandang 2 minggu ke udah bela nganjung diri beperesa Covid-19.

Dr Chin madah, enda ngira baikka nya sida ngusung bala kaban belayan, ngulu pengerami tikah tauka ngulu pengawa rabat, sida meseti nganjung diri ke klinik enggau lengkas. – DayakDaily