KUCHING, Jun 15: Kongres Kebangsaan Dayak (DNC) minta ngambika Akim Besai ari Sabah enggau Sarawak Tan Sri Richard Malanjum dipadu nyadi Ketuai Akim Menua ke baru.
Presiden DNC Paul Raja madahka, bala pemesai ari Sarawak enggau Sabah patut diberi diperunding ditiki pangkat pemesai ba renggat ejensi perintah besai, laban pemesai oleh ari Sarawak enggau Sabah suah enda dikemerat ari proses ke baka nya, ku iya.
Paul nyebut Pekara 153(2) Konstitusyen Perintah Besai bekaul “rizab kuota bekaul enggau servis, permit ngagai orang Melayu enggau anak negeri entara Negeri Sabah enggau Sarawak bekaul sebarang pekara ti dipikir patut…daripada pangku pengawa servis pengereja pengawa perintah …” enggau bekaul Sempekat Malaysia 1963 (MA63).
Paul madah, pengawa numbuhka Komiti angemaru berikutan Institusi ari perintah besai diiring Pakatan Harapan, endang amat patut nyema pengawa ngemaru ba kaunsil akim bela dikemerat.
“Kami di Sarawak, kelebih agi Kongres Kebangsaan Dayak, deka meda integrasi nasional dipejalai nyentuk ke renggat atasa” ku iya seraya madahka MA63 ukai dokumen sengapa, tang sempekat entarabansa ke beguna. — DayakDaily
