Datuk Azman Yusof dipadu nyadi Komisioner Polis Sarawak ke baru

Royal Malaysia Police logo

KUCHING, Sept 4: Ketuai Direktor Bagi Perlindungan, Opis Menteri Besai Datuk Azman Yusof dipadu nyadi Komisioner Polis Sarawak ke baru berengkah ari kemari.

Pengerami nyerah sereta nerima pangku pengawa entara Azman enggau Sapit Komisioner Polis Sarawak, Datuk Pahlawan Mohd Dzuraidi Ibrahim ke sebedau tu mangku pengawa nya dikemataka Direktor Opis Integriti enggau Nitihka Standard Polis Diraja Malaysis (PDRM) Datuk Zamri Yahya di Ibu Pejabat Polis Kontinjen (IPK) Sarawak ditu.

Azman lebuh ke bejaku madah, batang fokus iya deka bejalaika pengawa baka ke bisi ari baruh Seksyen 3(3) Akta Polis 1967.

“Nyadi komisioner Polis baru, aku mangku tanggungpengawa baka ke bisi ari baruh Akta Polis, bekaul enggau pengelikun Sarawak, aku deka berati lalu ibuhka tanggungpengawa nya dikena nentuka negeri u likun.

”Asil iya, iya nya pengelantang, harmoni, sereta likun,” ku iya. — DayakDaily