Covid-19: Nadai kes positif baru sereta 4 iku gerai di Sarawak

Datuk Amar Douglas Uggah Embas

Dikarang Chris Bishop

KUCHING, 10 Ogos: Chairman Komiti Penusah Ngenyit Negeri Sarawak (JPBNS) Datuk Amar Douglas Uggah Embas madah Sarawak seharitu nadai ngerikud kes positif baru Covid-19.

Enggau nya ku Uggah, penyampau semua kes positif Covid-19 naka ke diatu mengkang 681.

Iya mega madah bisi 10 kluster Covid-19 ti mengkang aktif di Sarawak.

“Kluster ti mengkang aktif di Sarawak iya nya Kluster Syarikat Kejuruteraaan (8 kes), Kluster Mambong ( 7 kes), Kluster Pusat Perubatan (3 kes), Kluster Jupiter (3 kes), Kluster Pasar Stutong (7 kes), Kluster Jeti Kuching (2 kes).


“Kluster bukai iya nya Kluster Sentosa (31 kes), Kluster PUI Melbourne (3 kes), Kluster Syarikat Pembinaan Kuching (2 kes) enggau Kluster Pasar Satok (4 kes),” ku Uggah ba aum pengarang berita ditu, seharitu.

Ngenang kaul ke sama, Uggah madah seharitu bisi 4 kes baru ke udah gerai lalu dikemendar pansut ari Spital Besai Sarawak (SGH).

Empat kes gerai mungkur 3 iku ari Pelilih Kuching sereta siku ari Pelilih Serian.

Enggau nya ku Uggah nambah, penyampau kes positif Covid-19 ti udah gerai sereta dikemendar pansut ari spital manggai 656 iku tauka 96.33 peratus ari penyampau semua kes.

“Bisi 6 iku mengkang diperubat ba wad isolasyen spital alai penyampau kes mati mengkang 19 iku.-DayakDaily.