GEORGE TOWN, September 14: Chelak keterubah 5,000 iti bup sentang skandal 1Malaysia Development Berhad (1MDB) ke dikarang editor Sarawak Report, Clare Rewcastle-Brown, abis dijual.
Iya madahka diri enda nyangka bup ke tebal 528 lambar bejudul “The Sarawak Report: The Inside Story of the 1MDB Expose” nya nerima nerima ke manah amat pengudah dilancharka kena 8 Sept tu tadi.
Sebedau tu aku irauka bup aku nya enda dibacha mensia mayuh, ku iya lebuh dikerandau pemberita ba sesi nyain bup nya di Penang Institute, ditu sehari tu tadi.
Rewcastle-Brown ke gaga meda nya madahka iya udah minta pengeluar ti bepangkalan di United Kingdom nandu baru nyelak bup nya.
Ba awak ke sama, iya ngarapka bup nya deka meri peransang ngagai rayat Malaysia ngambika nyadi pemberita jemah ila awakka ulih ngintu ‘Malaysia Baharu’.
Ku iya, rebak baru patut meretika pekara ti dikemeratka pemberita ba pengawa nyaga demokrasi nengah chara ngiga sereta mantaika.pengamat lalu nadai berasai nangi, taja pan dipeda baka “Public Enemy No 1”. — DayakDaily
