BN Sibu udah sedia nyatup DAP ba PRU14

Barisan Nasional logo.

SIBU: Parti komponen Barisan Nasional (BN) di Sibu udah sedia napi Democratic Action Party (DAP) ba Pengawa Bepilih Besai Ke-14 (PRU14).

Semua parti komponen BN sekali tu sigi bebendar deka ngerampas pulai kerusi ti dimenang DAP ba Parlimen Sibu enggau Parlimen Lanang.

Penyelaras kerusi parlimen BN Sibu, Robert Lau Hui Yew madah, komponen parti udah ngasuh semua raban pengawa bepilih sedia napi PRU14.

“Semua parti komponen BN udah sedia endar napi pengawa bepilih.

“Kami deka ngatur bemacham aktiviti dikena ngeratka kaul ba raban parti komponen BN,” ku iya.


Parti komponen BN di Sarawak mungkur Parti Pesaka Bumiputera Bersatu (PBB), Parti Rakyat Bersatu Sarawak (SUPP), Parti Progesif Demokratik (PDP) enggau Parti Rakyat Sarawak (PRS).