KUCHING, Jan 11: Bala pedagang di negeri tu dilalau ngubah konsep dagang sida ari chara konvesional ngagai model dagang online.
Chairman Majlis Ekonomi Bumiputera Sarawak, Datuk Seri Fadillah Yusuf madah, nengah pemansang teknologi diatu kelebih agi telefon binching enggau internet, dagang online nyadi mudah agi dibanding enggau dagang konvensional nyengkaum ba palan bebeli barang.
“Berebak enggau nya, pedagang menua tu patt meda tu pekara positif sereta ngiga penyelai ngambika ulih matak mensia mayuh meli barang ke dijual,” ku iya ti mega Menteri Kereja Raya lebuh bejadi Astana Ladies Night Flea Market, di Petra Jaya bedau lama udah.
Ku iya, penyelai nya patut dikerunding ngambika sida ulih ngerembus makit siber sereta nempa makit kediri empu.
Nya alai kuiya, beguna amat semua orang nyanghup pinta Kepala Menteri, Datuk Patinggi Abang Johari Tun Openg dikena ngemujurka Ekonomi Digital, dlalu raban pedagang tu patut berundingka chara dikena beambi ulih ari peluang enggau awak ke diberi. — DayakDaily
