Baru komited deka matau projek Jalai Besai Pan Borneo

Baru Bian

SIBU, Ogos 6: Menteri Kereja Raya Baru Bian madahka iya empu deka beliau matau projek Jalai Besai Pan Borneo ke benung digaga diatu.

Ku iya, nya komitmen iya dikena nentuka projek nya ke mungkur Sarawak enggau Sabah mujur digaga nitihka timpuh ke ditetap.

“Keterubah tu, aku merambu deka ngabas palan ngaga nya ari Telok Melano (Lundu), Kuching ke Miri di Sarawak begulai enggau pemesai opis menteri ungkup renggat keterubah ngaga tu.

“Udah nya kami deka ke Sabah berengkah ari Limbang (Sarawak). Tusun pejalai nya benung digaga,” ku iya madah ngagai pemberita ditu, malam ensana pengudah pengerami ngintu Hari Pengajar Pelilih Selangau.

Jalai Besai ke panjai 2,325-kilometer nya beungkus urung RM29 bilion ditetapka tembu ba taun 2021. Taja pia, ungkusnya benung diperesa baru. — DayakDaily