Apai, indai enggau pengajar dilalau besaup ngiga belanja ke sekula

Telang Usan assemblyman Dennis Ngau

BARAM: Apai indai enggau pengajar dipinta bekerejasama ngiga belanja dikena ngemanahka perengka guna di sekula ke endur anak sida besekula.

Sida mega dilalau anang semina bepanggai ba belanja ke diberi perintah aja, laban nganti agih belànja ti dikemendarka perintah beguna timpuh ke lama.

Nya alai, sida patut kreatif mikir chara dikena ngulihka belanja baka ngatur pengawa nengah chara beripai ti ulih ngenataika pemisi ke sekula.

“Apai indai enggau pengajar nengah (PIBG) tau beripai ngatur pengawa ngiga belanja ke sekula dikena ngemanahka.perengka guna di sekula,” ku ADUN Telang Usan Dennis Ngau lebuh bejadi Lumba Darat Ninting Taun SK Long Pillah Ke-68 ditu empai lama udah.

Nengah awak nya mega Dennis lalu diberi basa bejadi program ‘Imersif Tinggi’ enggau Pagar Sekula nya.


Bela bisi maya nya Kepala Pengajar Jaxz Aingle Liang, YDP PIBG Surang Jok, ketuai raban bansa, pengajar enggau bala bukai.

Share this article!