PUTRAJAYA, May 3: Komiti Pengawa Bepilih (SPR) nagang pengundi kelebih agi ti ngundi nengah chara pos sekali ka ditu enggau di menua tasik anang viral gambar sebarang dokumen baka keretas undi, pom tauka sampul bekaul enggau Pengawa Bepilih Ke14 (PRU14).
Chairman SPR, Tan Sri Mohd Hashim Abdullah madah, pengawa ngelara nya dikena nentuka pengelurus ba undi ti nyadi rasia, tetap diintu maya PRU14.
“Rara tu mungkur semua bansa undi nyengkaum undi pos ti nerima dokumen sebedau undi tumu tauka biasa.
“Nya mega betuju ngintu pengelikun enggau pemerat mensia mayuh sekumbang proses pengawa bepilih diatur,” ku iya ba sebengkah penerang sehari tu.
Ku iya, sesapa ke ditemu ngereja penyalah nya deka diukum ari baruh Seksyen 3 Akta Penyalah Pengawa Bepilih Besai 1954 (Akta 5)
Mohd Hasyim madah, enti amat ditemu salah megabdeka diukum jil enda ngelui ari 2 taun sereta diukum mataduit enda kebih ari RM5,000 tauka kededua nya sekali.
Ku iya, orang nya mega enda tau direjista tauka dirintai nyadi pemilih tauka pengundi ba sebarabg pengawa bepilih nyentuk ke tembu timpuh 5 taun.
Enti penyalah nya dikereja pengari rayat Malaysia, ku Mohd Hashim, kerusi iya tau dipuang ari haribulan iya ke ditinggang ukum. — DayakDaily
