BINTULU, Jan 18: Jaku tuduh siku kaban DAP Bintulu Dr John Brian ti madahka Kaban Parlimen Bintulu, Datuk Seri Tiong King Sing udah ngagihka RM50 tetiap pintu di tetiap rumah panjai di Kemena dikena nginti undi semina petenah aja.
Berindik ari nya, Tiong nangkan peranak rumah panjai anang mudah dikemula ngena jaku tuduh bula ari parti penyakal ti dipeda baka sengaja ngeruga runding rayat.
“Penyakal nguji nempa peragam negatif dikena nyaruka runding rayat,” ku iya.
Tiong madahka parti penyakal enggau bisi individu sengaja nyadung berita enda manah pasal Barisan Nasional (BN) enggau ketuai ketegal deka ngulihka undi sida.
Taja pia rayat patut nemu berati laban perintah BN udah negika rayat enda ngira usul, daya pengidup tauka jalai pengarap kelebih agi ba pengawa mai ubah pemansang ke meri pemaik ngagai sida. — DayakDaily
