KUCHING, Sept 7: Kaban Kunsil Negeri (ADUN) Machan, Allan Siden Gramong, seharitu bejadi Pengerami Nasih Tanah endur nirika rumah panjai Minggu Midan di Sg Maong, KM2, Jalai Kanowit-Durin.
Ba pengerami ke sama, Allan mega bisi bejadi Woksop Minrose Willder.
Ba jaku ngagai lebih 150 iku orang ke datai, Allan nerangka reti pemerat pengawa berumah panjai.
Iya mega ngansak bala nembiak rebak baru ngambika ngembuan pengeran deka ngemansangka diri lalu sama bela meri kerejasama ngagai program pemansang ke digaga.
Ku iya, perintah negeri bisi tiga chara ngemansang kandang menua pesisir iya nya nengah Projek Mit Menua Pesisir (MRP), Program Ubah Menua Pesisir (RTP) enggau Program Ngangkatmanah Rumah Panjai.
Iya ngagihka belanja RM10,000 ngagai rumah panjai Minggu Midan. Rumah panjai Minggu ke bisi 32 pintu digaga ba tanah pemesai 800 kaki.
Bela datai ngulu pengerami Pengulu Lawrence Melaka Rimba. — DayakDaily
