Abang Johari pechaya BN menang ba PRU14

Datuk Patinggi Abang Johari Tun Openg

Follow and subscribe to DayakDaily on Telegram for faster news updates.


KUCHING, April 26: “Kami pechaya amat BN (Barisan Nasional) ulih menang ba PRU14 tu,” ku Kepala Menteri Datuk Patinggi Abang Johari Tun Openg lebuh nimbal sekela penerang beberapa iku pemerati politik ti melabaka BN betapi enggau pemar ngenanka 133 kerusi ti dimenang maya Pengawa Bepilih Besai Ke-13 (PRU13) suba.

Abang Johari nandu baru madah “BN menang” nya, pengudah betemu enggau nyuaka surat chiri nyadi chalun ngagai bala chalun BN Sarawak ungkup PRU14 ba Indu Opis Parti Pesaka Bumiputera Bersatu (PBB) kemari.

Abang Johari ke mega Chairman BN Sarawak madah, taja pan PRU14 dijangka mar ba BN di Selangor, Pulau Pinang, Kelantan enggau Kedah, tang iya pechaya BN ari baruh Menteri Besai Datuk Seri Najib Tun Razak tetap menang.


Berebak enggau nya, Sekretari Besai BN Sarawak Datuk Alexander Nanta Linggi mega arap endar BN menang ambis nadai 29 ari 31 kerusi Parlimen ba PRU14 di Sarawak sekali tu.

“Saya nadai meda Putrajaya ulih diambi penyakal,” ku Nanta ke mega Sapit Menteri Pemansang Menua Pesisir enggau Kandng Menua seraya madahka BN Sarawak deka meri ke pemadu manah ngagai BN Pusat. — DayakDaily