425,251 iku nembiak ngambi peresa PT3 ke berengkah sehari tu

Classroom. — DayakDaily.com file pic. // Photo: Pixabay

KUALA LUMPUR: Sepenyampau 425,251 iku nembiak berengkah ngambi peresa Pentaksiran Tingkatan 3 (PT3) di serata Malaysia sehari tu.

Penyampau nya mungkur 394,458 iku nembiak ari sekula perinah enggau 10,949 iku sekula peribit ke berejista enggau Opis Menteri Pelajar (KPM).

Peresa nya berengkah pukul 8 pagi ke alai subjek keterubah iya Bahasa Melayu enggau Matematik di tangkanka Bahasa Inggeris enggau Sains pagila.

Kena Hari Tiga, bala nembiak nya deka ngambi keretas Kemahiran Hidup enggau Pelajar Islam lalu ba hari ke penudi endar iya nya Hari Empat sida deka ngambi keretas peresa bahasa.

PT3 dipunka ba taun 2014 dikena nyilih Penilaian Menengah Rendah (PMR).


Sekeda bala nembiak dipeda nguna awak puang ngingatka baru utai ti udah dipelajar sebedau tama ngagai dewan endur beperesa.

Apai indai enggau pengajar mega dipeda meri jaku perangsang ngagai bala nembiak ke deka ngambi peresa.

Share this article!