KUCHING, 22 Feb: Penyampau 32 iku peranak Rh Panjai Lagan, Sungai Telajin di Subis dipindah ngagai palan kuarantin di Miri kemari.
Nitihka riput Unit Komunikasi Awam Sarawak (Ukas), semua sida tu dipindah pengudah ditemu bisi diau besemak enggau siku kes positif Covid-19 ke udah ditemu dulu agi ari nya.
Pengawa mindahka sida nya dikemujur raban terabai menua ari Opis Pengerai Malaysia (KKM), Opis Bomba enggau Penyah Penusah (JBPM), Pasukan Gerak(PGA) enggau polis.
Sebuah hotel di Miri dipilih endur mindahka semua sida lalu udah dikemujur enggau lanchar. — DayakDaily
