PUTRAJAYA, Mei 17: Kontrak 17,000 iku pengereja pengawa perintah diketu ti nyadi siti ari chara ngurangka duit dipenyati.
Taja pia Menteri Tun Dr Mahathir Mohamad kemari madahka perintah Pakatan Harapan sedia mantu pengereja pengawa perintah nya ke begaji mit.
Sida tu nyengkaum deriba ke deka diberi pengawa bukai ke engkeman enggau sida.
“Kitai deka meri pengawa bukai nitihka pemandai sida.
Ngetuka sida ngenyit deka ngenusahka sida,” ku iya ba aum media di Yayasan Kepimpinan Perdana, ditu kemari.
Kelimpah ari nya ku Menteri Besai, perintah deka mansik belanja bukai dikena ngurangka tating belanja.
Perintah ke sebedau tu dikait enggau bemacham skandal besai kelebih agi isu 1MDB.
Isu ti bekaul enggau ex-Menteri Besai Datuk Seri Najib Razak nya udah ngasuh rayat ringat sereta nyadi siti kebuah Barisan Nasional alah ba pengawa bepilih besai ke-14 kena 9 Mei tu tadi. — DayakDaily
