Tasik Biru deka dikemansang nyadi palan matak temuai

BAU: Tasik Biru deka dikemansang nyadi Taman Ngelumbung Emas.

ADUN Tasik Biru, Dato Henry Harry Jinep madah, perambu serata randau pasal pekara nya udah digaga kelebih agi ba pengawa matak pemeranak puku ngambika sama ngemansangka kandang Tasik Biru.

“Kami agi nganti pemutus ari perintah nengeri kelebih agi ba perambu ngangkatka Tasik Biru nyadi produk dagang temuai,” ku iya pengudah ‘Program Zumba Regas’ begulai enggau rayat ba Panggau Besai, Tasik Biru Bau kemari.

Sama bisi datai ADUN Serembu Miro Simuh enggau D.O Bau Anielia ak Siam.

Ku Henry, Taman Ngelumbung Emas sigi palan reaksi enggau ngelantangka ati peranak menua nya enggau ari menua luar.


ADUN Serembu Miro Simuh madah, projek ngangkatka Tasik Biru nyadi Taman Ngelumbung Emas dek nyadi pematak naru ngagai temuai ari menua tasik ke pelilih Bau.

Ku iya, keretas kereja permbu ngaga Taman Ngelumbung Emas udah dianjung bulan Mei suba.

“Kitai ngarapka sukung penuh ari perintah nengeri ngambika sama enggau ngemansang kandang Tasik Biru.

“Taman Ngelumbung Emas nya ila deka nyendiaka mayuh bengkah perengka guna ngagai rayat nyengkaum galeri muzium enggau ke bukai” ku iya.