Surat berita nasional nadai agi dijual di S’wak berengkah ari pagila

Surat berita nasional nadai agi dijual di S'wak berengkah ari pagila. File picture. Picture source: Pixabay.

Surat berita nasional nadai agi dijual di S’wak berengkah ari pagila

KUCHING: Berengkah ari pagila, nadai agi surat berita tidak nasional dalam jaku Melayu enggau Inggeris ke bepangkalan di Kuala Lumpur dijual di Sarawak enggau Sabah.

Ku Ketuai Pemesai Eksekutif The New Straits Times Press (Malaysia) Berhad (NSTP), kompeni nya deka ngetu nyelak sereta nyadung surat berita News Straits Times, Harian Metro enggau Berita Harian.

“…NSTP udah ngambi singkang berani semina nyendia versyen digital nyadi surat berita di Sabah enggau Sarawak,” ku iya ba sebengkah penerang ti dipansut dalam BH sehari tu.

“Tebal agi pemacha kami di Sabah enggau Sarawak diatu udah ngalih ngagai versyen digital, kami udah ngaga pemutus ngetu nyelak sereta fokus ngagai versyen digital ti manah agi sereta bekualiti tinggi,” ku iya.


Pengudah pengawa nyadung surat berita nya diketu, reti nya nadai agi mih pengawa nyelak enggau nyadung tiga bengkah surat berita nya di Sarawak dan Sabah.

Beberapa bulan sebedau tu surat berita nasional bukai baka The Star enggau Utusan Malaysia mega udah ngetu nyadung sereta nyual surat berita sida di kededua nengeri nya.