SK Pelagus nerima bantu RM1.35 juta ari Petronas dikena ngemanah sekula

Petroliam Nasional Berhad (Petronas)

PELAGUS, Nov 4: Sekula Primari (SK) Ulu Pelagus ti ngembuan 54 iku nembiak, 14 iku pengajar enggau semilan staf sukung ke bukai udah nerima bantu RM1.35 juta ke mungkur lapan kontraktor kenyau ari bulan Mac.

Pekara nya dikemujurka nengah program ke diberi nama Program Jangkau Luar Petronas.

Sebedau tu sekula nya bepanggai penuh ba injin api enggau pemansut ai graviti dikena mekal ai beresi ke alai sekula nya begunaka mayuh bengkah projek pemansang.

Projek nya diekujur nengah tanggung pengawa rama korporat (CSR) Petronas ke deka ngaga dewan baru, jala bedarat beperabung ti nyambung ngagai buding enggau bangunan kelas,sereta agu baru buding.

“Projek tu mega mungkur pengawa ngemanahka perengka guna sekula nyengkaum ngaga pagar baru ,” ku Ketuai Pemesai Eksekutif, Malaysia LNG Group of Companies, Ir Pau Kiew Huai lebuh ke meri jaku pengelalu maya bejadi program nya.


Iya mega madahka nya sebagi arin komitmen petronas mantu komuniti ti fokus ngagai pelajar, pengelantang komuniti enggau pemansang sereta rampa menua. -DayakDaily