Sistem elektroklorida deka dikena nyilih gis klorin meresi ai di nengeri tu

SERIAN: Perintah nguji nguna sistem elektroklorida, teknologi Lutz Jesco ari Jerman, ti diaku manah agi sereta mudah dipasang sereta selamat laban ngena ai garam dibanding enggau ngena gis klorin.

Elektroklorida proses hipoklorit diasil ari elektrolisis dipechaya selamat agi dikena munuh kuman, bakteria, virus enggau ke bukai dalam ai.

Ku Menteri Perengka Guna Mensia Mayuh, Dato Sri Dr. Stephen Rundi, penyampau garam diguna ungkup loji 10 MLD di Slabi urung 75 kilogram sehari.

Ku iya, nengah sistem nya garam enda ditama ke dalam sistem tubuh laban garam semina dikena ngasilka hipoklorit.

Ku iya,Loji Ai Slabi nyadi projek keterubah meresi ai nguna sistem elektroklorida.


Bejaku ba aum media pengudah ngabas Loji Meresi Ai Slabi, Rundi madahka Opis Bekal Ai Menua Pesisir (JBALB) diberi tanggungpengawa matau nguna sistem elektroklorida tu nitihka standard pengelikun antarabansa.

Naka ke diatu ku iya, sida nguji ba 10 juta liter sehari (MLD) ba loji lama Slabi ti mekal ai ke kandang menua Simunjan.

Ku iya, pemujur projek keterubah di Slabi pengudah tu ngepunka kitai nguna sistem ‘electrochlorination’ tu ke serata nengeri lalu meri servis ai beresi ngagai rayat.

Ungkus masang sistem tu tau dianggap murah ungkup timpuh panjai dibanding enggau gis klorin, ku Rundi.