Siku baya semanjai 4.5 meter mujur ditangkap ba ladang sawit di Bintulu

File picture of crocodile

BINTULU: Siku baya ke suah dipeda bekesindau ba kandang ladang sawit di Samalaju ditu, udah mujur ditangkap seraban staf bomba ari Balai Bomba enggau Penyah Penusah BBP) Bintulu, kemari.

Ketuai Operasi BBP Bintulu Stephen Plen madah, siku pekereja ba ladang ke tepedaka baya nya urung pukul 4 lemai lalu madah ngagai sida.

Ku iya, lebuh ke datai dia pukul 4.20 lemai, raban bomba nya tepedaka baya semanjai 4.2 meter semak enggau siti pegung ke sepenyauh 600 meter ari ladang sawit nya.

Ku iya, baya nya agresif sereta nipaska iku iya lebuh sida nguji semak.

“Kami nejuka baya nya dulu bedau mujur nangkap baya nya pengudah urung nyauka sejam,” ku iya.


Ku Stephen, pemerat baya nya bisi 500 kilogram dipelabaka tama ngagai ladang nya ngiga endur betelu.

“Baya nya diserahka ngagai Opis Kampung Sarawak Bagi Menua Bintulu,” ku iya.