PKS bela deka dikemerat dalam Bajet 2018

Stacks of coins. — DayakDaily.com file pic. // Photo: Pixabay

KUALA LUMPUR: Perintah deka majak nyukung industri mit enggau jelan pemesai (PKS) dalam Bajet 2018.

Ba sebengkah penerang ti dipansut empai lama, Menteri ba Opis Menteri Besai, Datuk Seri Abdul Rahman Dahlan madahka nya beguna amat dikena nentuka PKS ulih nyaup ba Pemansut Kasar Dalam Menua (KDNK) nambah ngagai 41 peratus sereta mega nyaup eksport menua sepenyampau 23 peratus.

Ku Abdul Rahman, PKS beguna amat dalam ekonomi Malaysia.

“PKS mantu lebih satu pertiga ari KDNK menua ke beungkus RM1.2 trilion, ngaji 5.7 juta pekereja, nyauka setengah ari penyampau pekereja di menua tu, sereta ngarika 98.5 peratus ari gerempung dagang di Malaysia,” ku iya.

Bepelasarka penerang ti dikeluarka Opis Perangkaan, bantu PKS ngagai KDNK nambah 36.6 peratus ba taun 2016 dibanding 36.3 peratus ba taun 2015.


PKS mega bela ngerikod pemansang 5.2 peratus, ngelui ari pemansang KDNK menua sepenyampau 4.2 peratus ba taun 2016, ku iya.

Tu mandangka sida ngerikod prestasi manah tajapan pemansang ekonomi menua lubah, ku iya.