PDRM deka ngambi 6,000 iku staf baru

IPOH: Polis Diraja Malaysia (PDRM) deka ngelatih 6,000 iku raban baru ti mungkur sekeda penuduk enggau juluk ngenegapka penyendia unit beuniform nya taun baru.

Sapit Pengarah Pengatur (Latih), Opis Pengatur Bukit Aman, Datuk T. Narenasagaran madah, pekara nya dikemujur dikena ngisi mayuh bengkah penuduk ti puang ke ditinggal raban opis nya ke udah pinchin tauka ngetu gawa.

Ku iya, pengawa ngambi raban baru nya deka dipejalaika ba bulan Januari taun baru.

“Pengawa ngambi pemesai enggau raban tu mungkur sekeda penuduk baka inspektor, raban ke bepangkat baruh, konstabel sukung enggau konstabel orang asli.

“Tu singkang ke pemadu manah diambi perintah dikena ngenegapka PDRM meri servis ngagai mensia mayuh,” ku iya.


Iya bejaku munyi nya pengudah bejadi Perbarisan Tamat Latihan Kursus Asas Pasukan Gerakan Am (PGA) Siri 1/2017 di Briged Utara PGA Ulu Kinta ditu kemari.