PBDSB dipelaba nudukka chalun nyatup BN ba sitak Parlimen Kapit

Parti Bansa Dayak Sarawak Baru logo

SIBU: Parti Bansa Dayak Sarawak (PBDS) Baru pelaba nudukka chalun ba Parlimen Kapit maya Pengawa Bepilih Besai ke-14 ila.

Diberita, diatu bisi siku chalun ari PBDSB ke benung aktif sereta dikelala rayat ba sitak Kapit deka bediri minta pilih nyatup penyandang sitak nya, Datuk Alexander Nanta Linggi.

Taja pia PBDSB nadai udah ngenukuka sapa bagi chalun ke disebut nya.

Diberitaka mega, chalun nya amat ngemeratka perkara bekaul enggau bansa Dayak.

Ba PRU sebedau Nanta ari Barisan Nasional (BN) Parti Bumiputera Besatu (PBB) udah teulihka majoriti 13,446 undi ngalahka Ramli Malaka chalun ari Parti Tindakan Demokratik (DAP) ti semina bulih 3,715 undi.


Kelimpah ari nya, diberitaka mega DAP deka nudukka chalun nyatup Nanta maya PRU nya ila.

Share this article!