PBDSB deka nyabung Johnny Chuat maya PRU14 di Lubok Antu

KUCHING: Peranak asal Lubok Antu, Johnny Chuat nyadi chalun potensial Parti  Bansa Dayak Sarawak Baru(PBDSB) ungkup sitak parlimen P203 Lubok Antu.

Presiden PBDSB Cobbold John  madah, Johnny ke mega kaban kaunsil besai parti seiku chalun ke pemadu engkeman ba penuduk nya ngarika parti ba Pengawa Bepilih Besai Ke-14 (PRU14).

“Johnny dikelala semua peranak di Lemanak enggau Ulu Engkari lalu tebal agi sida sekaban belayan.

“Iya suah ngadu pengawa dikena mantu bansa Iban(Dayak) ke diau ngelingi,”ku Cobbold.

Peranak asal Rh Mujah Nanga Menyebat  Lemanak nya  seiku graduet ba ‘Mekanikal Injiniring sereta ngembuan degree ba Journalism & Communication ari  Universiti Carleton, Kanada.


Iya mega ngempu  ‘majalah’ tebilang Iban Pegari.

Share this article!