Kus ke enda relevan ba universiti perintah deka ditukar

School books. —DayakDaily.com file pic. // Photo: Pixabay

KANGAR: Kus ke enda relevan ti diajar ba universiti perintah deka ganti tauka digempung ngambika setipak enggau pemansang ke diatu, pia ku Menteri Pelajar Tinggi, Idris Jusoh.

ku iya kus baru deka ngisi guna industri deka dibantai ngambika setipak enggau revolusyen industri 4.0.

Ku iya baru, direktor besai opis pelajar tinggi udah diberi tanggung pengawa audit semua kus ti bisi diajar ba universiti perintah.

Idris bejaku munyi tu ba aum berita pengudah nemuai ngagai Palan Pelajar Ngemansangka Mensia enggau Teknokomunikasyen di Universiti Malaysia Perlis (UniMAP) sehari tu tadi.

Idris mega bisi ngatur randau enggau bala pengelicha UniMAP ba indu kampus di Pauh Putra bekaul enggau utai ke diguna universiti dikena nyapai juluk TN50.


Ke bendar ku iya, makit raban graduate ari universiti perintah di Malaysia bisi belinsur manah laban struktur universiti endang semampai diangkatmanah.