Komitmen Opis Menteri Pengerai dipuji

KUCHING: Komitmen ti dipajakka Opis Menteri Pengerai Malaysia ba pengawa ngintu pengerai rayat di nengeri tu nengah hospital besai kelebih agi tiga buah baka Sepital Sarawak, Sepital Sibu enggau Sepital Miri nyengkaum sepital di pelilih mit, klinik pengerai, klinik 1Malaysia enggau klinik desa, Sarawak udah mujur nagang pengerembai penyakit berampit di nengeri tu.

Tu nyengkaum penyakit malaria, batuk rangkai, penyakit jari, kaki enggau mulut (HFMD), ku iya

Abang Johari ngakun, ba era moden enggau maju diatu, nengeri betapi enggau bansa penykit enda berampit baka diabetes, hipertensi, komplikasi nguna semakau, kanser, sereta mayuh agi.

Iya bejaku munyi tu lebuh bejadi Aum Besai Mensia Mayuh Padisik Ke5, di Hotel Rivetside Majestic ditu.

Lebih 850 iku nyengkaum Presiden Kolej Kesihatan Awam, Akademi Perubatan Malaysia Datuk Dr Lokman Hakim Sulaiman enggau Pengarah Opis Pengerai Nengeri Dr Jamilah Hashim ngulu pengerami nya.

“Aku arapka pengawa ngemunas penyakit tu ulih dijapai nengah aum tu lalu bulih chara mutarka penanggul nya ti pemadu manah ari sukut besaum pemadah,”ku iya.

Aku bedanji nyukung pengawa tu kelebih gi ba pekara ngemudahka pengawa bejalaika program pengerai di Sarawak enggau menua Malaysia, ku iya.