Ketuai Indu PKR ditagang tama ke Sarawak

Datuk Patinggi Abang Johari Tun Openg

MIRI: Ketuai Indu Parti Keadilan Rakyat (PKR) Zuriaida Kamaruddin udah ditagang tama ke nengeri tu.

Iya ditan ba Padang Bilun Miri urung pukul 2.00 ngalih hari tadi lebuh ke datai ari Kuala Lumpur, nepan bilun Air Asia.

Iya dipadah pemesai Opis Imigresen Malaysia ke gawa maya nya sentang perintah nya sereta diasuh ke Semenanjung nepan bilun ke udah nya.

Iya ke mega Kaban Parlimen Ampang sebedau tu kala ngasaika tagang ari taun 2013 nyentuk ke 2016 lebuh Sarawak agi ari baruh pegai Tan Sri Adenan Satem.

Penatai iya ke nengeri tu laban ngulu pengerami makai lemai ke diatur parti nya di Eastwood Valley.


Sarawak ngembuan kuasa autonomi ari segi imigresen nagang sesapa aja individu ti dipelaba tau meri penusah ari sukut pengelikun enggau pengelantang nengeri.

Rintai nama sida ti ditagang tama nya mereka yang dikeluarka Sekretari Perintah Nengeri ngambika diterit ba pintu penama ke nengeri tu.

Share this article!