Dennis minta universiti endur mansik ditumbuh di Ulu Baram

KUCHING: Kaban Kunsil Negeri Telang Usan, Dennis Ngau dekaka sebuah universiti endur bejalaika pansik ditumbuh di Ulu Baram.

Ku iya, langgur penemu nya engkeman amat enggau gaya rampa menua nya ti kaya enggau kampung sereta utai tumbuh enggau ke idup.

“Aku ngarapka Ejensi Pemansang Tanah Tinggi (HDA) ti ditumbuh empai lama ulih ngemujurka juluk,” ku iya pengudah pejurai Kaunsil Pansik enggau Pemansang Sarawak di Dewan Kunsil Negeri Sarawak kemari.

Ku Dennis, entara kandang menua ke ulih endur numbuhka universiti nya nyengkaum Long Julan, Long Apu enggau Ulu Tinjar.

“Kandang menua nya manah amat ungkup kus betanam moden baka nanam getah, kopi enggau lada kelimpah ngembuan pemesai tanah ke engkeman ke pekara belajar.


“Utai tanam tau ditanam ngelingi kampus ti tau ditukar nyadi bilik belajar universiti sereta palan endur bejalaika pansik.

Ku iya, enti perintah negeri serius deka ngemansutka penatai pemisi nengah R&D, pekara tu tau dikemeratka.