Bansa Iban patut malik ke mua, badu ingatka laya lama

Datu Penguang Manggil

MIRI: Ketuai raban bansa enggau ketuai etnik kelebih agi raban bansa Iban patut malik ke mua sereta badu ingatka laya lama ti semina ngerugi aja.

Ku Kaban Kunsil Negeri (ADUN) Marudi Datu Dr Penguang Manggil, anang muai jam belaya enggau pangan diri laban nya nadai mai pemaik tang semina ngemalu diri empu aja.

Ku Penguang, tanggungpengawa nyerakupka bala tuai rumah ke pambar nyadi siti pemar kenyau ari iya udah dipilih nyadi pengari rayat di Marudi pengudah menangi ba Pengawa Bepilih Kunsil Negeri (PRN) ba taun 2016.

“Nya siti tanggungpengawa ke berat amat laban semina di Marudi aja bisi dua iku tuai rumah ba sebuah rumah panjai.

“Aku ngarapka, tuai-tuai rumah ti dichiri ulih bejalaika tanggungpengawa sida enggau manah sereta lurus,” ku iya.