Anak mit ke diada ba taun 2018 – 2022 deka diberi Wang Turu Keterubah RM200

A newborn baby. — DayakDaily.com file pic. // Photo: Pixabay

KUALA LUMPUR: Tetiap iku anak Malaysia ke diada kena Dana 1 Januari 2018 nyentuk 2022, deka diberi Wang Turu Keterubah RM200 nengah unit Amanah Saham ba Permodalan Nasional Berhad (PNB).

Menteri Besai, Datuk Seri Najib Tun Razak, lebuh bejurai Bajet 2018 di Dewan Rakyat kemari, madahka skim nya ti keterubah endar ditumbuhka sigi dikena nentuka pengidup ti meruan jemah ila ungkup generasi TN50 ke mega dikelala enggau nama Amanah Dana Anak Malaysia 2050 (ADAM50).

Najib, ke mega Menteri Wang, madahka perintah mega ngungkupka RM250 juta ke pelajar generasi TN50 ti tau dikena numbuhka pusat Sains, Teknologi, engineering enggau Matematik (STEM).

Ku iya, palan nya betuju nempa chara belajar ke pemadu baru sereta matih pengajar pakar STEM nguna fasiliti institut pematih pengajar ke bisi diatu nengah kerejasama enggau Akademi Sains Malaysia.

Agih nya mega dikena ngangkatka modul komputer sains nyengkaum program koding dalam kurikulum sekula primari enggau sekondari ti diatu udah dikena ba form 1 enggau 3.


“Ketiga,ngungkupka RM190 juta dikena ngangkatmanah 2,000 kelas nyadi Bilik Darjah Pintar Pembelajaran Abad ke-21 kena ngangkatka pelajar bepelasarka kreatif enggau inovatif,”ku iya.

Najib mega madahka perintah bela beratika pengawa pengemeran art ti ngangkatka kualiti main nya ngagai tikas ke tinggi agi nengah agih belanja nyauka RM20 juta ke diberi ngagai Agensi Pemansang Ekonomi Kebudayaan (CENDANA)

Share this article!